قصة تتعب الي قراااهااااا

جروح قلبي يالغلا مـا هـي اسـرار
وشلك بقصـه تتعـب اللـي قراهـا
بنت المطر ما هي تحت ضوء الانظار
صعب على روحـك تعانـق سماهـا
بنت المطر تسكن بقيعـان الابحـار
وشلون تبغى ترتـوي مـن نداهـا
قلي بربك وش بقلبـك مـن اخبـار
لا تخفي اسـرارك ووجهـك حكاهـا
انشدك باللي نلتجـي لـه بالاسحـار
وش متعبٍ روحك من اللـي كواهـا
انا الذي فـي حبكـم مقـدر اختـار
روحـي معـك متعلقـه يـا هواهـا
لك في خفوقي ياهوى البـال تذكـار
ياجمـرةٍ شبـت بقلـبـي لضـاهـا
إنا الذي هليت فـي قاعـك امطـار
مرابعـك فالقلـب ينـبـت حيـاهـا
طيفك بتفكيري سكـن ليـل ونهـار
وايضا بروحي ساكنـا فـي حشاهـا
هـذا حكـم ربـي عليـه بالاقـدار
انـي اغيـب صورتـك يـا مناهـا
ماعاد فيني اتحمـل منـك الاعـذار
قدر شعـور اللـي شعـورك معاهـا
صوتك صدح في خافقي سر واجهار
قربـك دوا روحـي وبعـدك عناهـا
لميتـك ابفكـري وبعثرتـك ازهـار
حتى تعطـر هاجسـي مـن شذاهـا
واونست فيك الامن من عقب الاخطار
وايقنت بأن الـروح نالـت رضاهـا
هذه نهاية قصتـي يابـن الاحـرار
عسـى عيونـك ياحياتـي تـراهـا